(10 сентябрь, 2015 ел) Анда 200 дән артык экспонат урын алганБүген Екатеринбург шәһәренең Урта Урал традицион халык мәдәнияте үзәгендә татар халкы мәдәнияте һәм көнкүреше белән таныштыручы күргәзмә эшли башлый.
Анда килүчеләр хатын-кызларның бизәнү әйберләре, кием-салым, милли костюмнар һәм аяк киемнәре, кирәк-яраклар, җиһазлар белән таныша алачак. Күргәзмәдә Татарстандагы шәхси коллекцияләр, Башкортстан Республикасы, Пермь крае, Чиләбе, Свердловск өлкәләре авылларыннан тупланган 200 дән артык экспонат урын алган.
Экспозициядә татар кызларының милли киемдәге этнографик сурәтләрен дә күрергә мөмкин булачак.
Күргәзмә 29 ноябрьгә кадәр эшләячәк, диелә үзәкнең матбугат хезмәте хәбәрендә.
Мәгълүмат http://tatar-congress.org/2015/ сайтыннан алынды.