(5 июль 2021) Татарстанның Халыклар Дуслыгы йортында Казан шәһәренең 12 нче «ОРТ-Мишпахтейну» еврей мәктәбен тәмамлаучыларга тантаналы рәвештә аттестатлар тапшыру узды. Аттестатлар тапшыру тантанасына балалар әти-әниләре белән килгәннәр иде. (ФОТО)
Чыгарылыш тантанасы кысаларында бәйрәм концерты булды. Мәктәпне тәмамлаучы укучыларны урта гомуми белем алу белән Казан шәһәренең «ОРТ-Мишпахтейну» 12 нче мәктәбе директоры Розалия Козловская котлады.
«Һәр уку елы безнең мәктәптә үзенчә уникаль, сез, укучылар, безнең беренче ярдәмчеләребез, безнең горурлыгыбыз! Укытучылар һәм ата-аналар ярдәме белән чын кешеләр тәрбияләп үстердек. Чыгарылыш сыйныф укучылары арасында — дүрт алтын медаль иясе! Мәктәпне тәмамлау белән котлыйм сезне һәм чын күңелдән тормыш юлыгызда дөрес кешеләр очравын телим. Җиңүләрегездән ләззәт алыгыз һәм үз-үзегезгә ышаныгыз. Барлык башлангычларыгызда уңышлар һәм куелган максатыгызга ирешүегезне телим! Гаилә, мәктәп горурлыгы булыгыз!», — дип сөйләде ул.
Чыгарылыш сыйныф укучылары тамашачылар өчен концерт программасын тәкъдим иттеләр: биеделәр, шигырьләр сөйләделәр, шулай ук укытучыларга котлау сүзләре җиткерделәр.
Барлык укытучыларга да чәчәк бәйләмнәре, ә 12 нче номерлы «ОРТ-Мишпахтейну» мәктәбен тәмамлаучыларга урта гомуми белем турында аттестатлар тапшырылды.
Дуслык йортының мәгълүмат үзәге