Татарстан Республикасы Дәүләт советы Рәисе, Татарстан халыклары Ассамблеясы Советы Рәисе Фәрит Мөхәммәтшин Халыклар дуслыгы йортында узган Дуслык һәм татулык дәресендә булды. (ФОТО).
Ул залда утыручы укучыларга тәрбия, дуслык һәм патриотлык турында киңәшләр белән мөрәҗәгать итте.
«Мондый Дәресләр булганда без намус белән тынычлыкны, үзара аңлашуны, татулыкны саклап кала алабыз. Мондый чаралар патриотлыкны пропагандаларга булыша», — дип сөйләде Фәрит Мөхәммәтшин.
Шунысы кызык, бу Дәрестә күптән түгел Фәрит Мөхәммәтшин үзе барып күргән Казанның Киров районының 182 нче политехник лицееның җиденче сыйныф укучылары бар иде. Лицейда сәясәтче Бөтенроссия әтиләр көненә (бәйрәм октябрьнең өченче якшәмбесендә билгеләп үтелә) багышланган дәрестән тыш «Мөһим турында сөйләшүләр» дәресе кунагы булган.
РТ Дәүләт Советы Рәисе белән Дәрестә Татарстан халыклары Ассамблеясы Советы Башкарма комитеты җитәкчесе Константин Яковлев һәм Халыклар дуслыгы йорты директоры Ирек Шәрипов катнашты.
Дуслык йортының мәгълүмат үзәге