(31 июль 2019) Испаниянең Хака шәһәрендә 50 нче юбилей фольклор фестиваль ачылды. Чарада Татарстан халыклары Ассамблеясе һәм Халыклар дуслыгы йорты вәкилләре катнаша. (ФОТО)
Пиренея фольклор фестивале ике елга бер тапкыр уза. Анда бөтен дөнья буйлап фольклор коллективлар катнаша, ун меңнән артык туристлар җәлеп ителә.
Быел чарада Европа, Азия, Төньяк һәм Коөньяк Америка һәм Африканың 16 иленнән 20 дән артык коллектив катнаша.
Составына җырчылар, биючеләр һәм музыкантлар кергән Татарстан делегациясе чыгышларын балалар бакчасыннан башладылар. Алар балаларны әйлән-бәйлән уйнарга, агач кашыкларда уйнарга өйрәттеләр, шулай ук артистлар татар һәм рус җырларын башкардылар.
Беренче көн урам дефилесы белән тәмамланды. Анда Идел буе халыклары костюмнары һәм биюләрен, туй һәм бәйрәм гореф-гадәтләрен күрсәттеләр: татар, рус, чуаш, мари, удмурт, мордва һәм керәшен. Чара 800дән артык шәһәр халкы һәм турист катнашында Хаканың шәһәр паркында үтте.
Фестивальне оештыручылар әйтүенчә, урам форматындагы чаралар дөнья халыклары, аларның мәдәнияте, биюләре һәм җырлары белән ирекле формада, рәсми булмаган форматта танышырга мөмкинлек бирәләр.
Халыклар дуслыгы йортының мәгълүмат үзәге