(20 ноябрь, 2015 ел) Бүген Татарстан Республикасының Санкт-Петербург һәм Ленинград өлкәсендәге Даими вәкиллеге ярдәме белән Смольныйда Ленинград өлкәсе Дуслык Йорты белән Татарстан халыклары Дуслык Йорты арасындагы хезмәттәшлек имзаланды.
Төп максат – тагын да яхшырак элемтә булдыру, гражданлык бердәмлеген ныгыту, милләтара һәм конфессияара килешү, этно-мәдәни күптөрлелекне саклау, ике төбәк арасындагы иҗтимагый-мәдәни бәйләнешне үстерү.
Ике төбәк өчен дә мөһим булган чарада Ленинград өлкәсенең милләтара һәм конфессияара мөнәсәбәтләре җирле үзирадә комитеты рәисе Л. В. Бурак, Татарстан Республикасының Санкт-Петербург һәм Ленинград өлкәсендәге даими вәкиле Р. Н. Валиуллин, Лениногорск өлкәсе Дуслык Йорты директоры В. В. Михайленко, Татарстан халыклары Дуслык Йорты директоры И. И. Шарипов, шулай ук Ленинград өлкәсе администрациясе комитеты вәкилләре катнашты.
Килешүне имзалау милләтара һәм конфессияара толерантлыкны формалаштыруны һәм халыклар арасындагы үзара хөрмәтне тәрбияләүне, ике төбәк арасындагы мәдәниятны үстерүне тәэмин итәчәк.
Визит кысаларында Татарстан халыклары Дуслык Йорты директоры Ирек Шәрипов җитәкчелегендәге Татарстан делегациясе Ленинград өлкәсе Дуслык Йортында булды. Кич белән Татарстан Республикасының сәнгать осталары Ленинград өлкәсенең Гатчина шәһәрендә бәйрәм концерты куячак.
Исегезгә төшерәбез, Татарстан халыклары Дуслык Йортының Кырым Республикасы, Дагыстан Республикасы, Карелия Республикасы һәм Мәскәү толерантлык үзәге белән бүгенгегә охшаш килешүләр төзелгән.
Татарстан халыклары Дуслык Йорты мәгълүмат үзәге