(16 апрель 2015) Очрашуда парламентара элемтәләрне үстерергә кирәклеге турында сүз барды.
Татарстанга Иран парламентының илкүләм куркынычсызлык һәм халыкара сәясәт мәсьәләләре буенча комиссия рәисе Аладдин Боруджерди җитәкчелегендә Иран Ислам Республикасы парламенты делегациясе килде. Делегация рәсми сәфәр кысаларында Татарстан Дәүләт Советында булды. ТР Дәүләт Советы Рәисе урынбасары Римма Ратникова Ираннан килгән кунакларга Татарстан парламенты эшчәнлеге, сәяси партияләр һәм эшләрне оештыру турында сөйләде. Агымдагы елның җәендә республикада Татарстанның хәзерге тарихында парламентаризмның 25 еллыгы билгеләп үтелә, дип ассызыклады Римма Ратникова. Юбилей чаралары кысаларында тантаналы очрашулар, фәнни-гамәли конференцияләр һәм күргәзмәләр узачак. Аладдин Боруджерди Татарстан белән Иранның мәдәнияте һәм диннәре уртаклыкларын билгеләп үтте. Аның сүзләренә караганда, уртаклык мәдәни, мәгариф, фәнни элемтәләрне генә активлаштыруга түгел, ә икътисади элемтәләрне дә җайга салуга стимул булырга, шул исәптә Сәүдә-сәнәгать палаталары хезмәттәшлек дәрәҗәсендә тиеш, дип билгеләп үтте. Боруджерди әфәнде шулай ук, киләчәктә дә парламентара элемтәләрне үстерү акутальлеген ассызыклады, дип хәбәр итә ТР Дәүләт Советының Җәмәгатьчелек һәм ММЧ белән үзара хезмәттәшлек бүлеге.
Чыганак: «Татар информ» ИА