(20 март 2020) Татарстанның Халыклар дуслыгы йорты DaDobro Халыкара волонтерлык хәрәкәте оештырган «Батарейка тапшыр — алмалы бул» акциясенә кушылды. Әлеге акция яхшы гамәлләр башкарырга бер дигән мөмкинлек. (ФОТО)
Акциягә катнашу йөзеннән, Халыклар дуслыгы йорты бинасының беренче катында кулланылган батарейкалар җыю өчен тартмачык урнаштырылды.
«Безнең исәпләүләр буенча, Дуслык йортының ишекләре һәр ай саен меңнән артык кеше өчен ачыла. Әлеге кунакларның һәркайсы шушы акциядә катнаша алды.
Дуслык йортында 40 милли-мәдәни берләшмә исәпләнә. Биредә шулай ук Күпмилләтле якшәмбе мәктәбе эшли, төрле милләт балаларына белем бирелә. Безнең төп максатыбыз — балаларда милли үзаңны тәрбияләү, әйләнә-тирәлеккә сакчыл карарга өйрәтү», — дип сөйләде Дуслык йорты директоры Ирек Шәрипов.
Белгечләр әйтүенчә, кулланылган батарейкалар — көче акрынайтылган бомба. Чүплекләрдә коррозия аркасында батарейкаларның саклагыч металл катламы какшый. Нәтиҗәдә, авыр металлар җиңел генә туфракка үтә, аннан соң – җир асты суларына. Бер «бармак» батарейкасы 20 кв. метрга кадәр җирне һәм 400гә якын литр суны пычратырга сәләтле.
Кулланылган батарейкаларны Дуслык йортында махсус урнаштырылган тартмачыкларга салып, һәркем табигать өчен куркыныч булган калдыкларны дөрес утилизацияли ала. Акция ай ахырына кадәр дәвам итәчәк.
Дуслык йортының мәгълүмат үзәге