«Йортыбыз — Татарстан» фестиваленең сайлап алу турлары төгәлләнде

(16 октябрь 2018) Сарманда узган зона туры белән «Йортыбыз — Татарстан» республикакүләм этномәдәни фестиваленең сайлап алу комиссиясе эше төгәлләнде. Быел катнашучылар саны буенча яңа рекорд куелды — 2 мең кеше.

Сарман мәдәният йорты сәхнәсендә татар, башкорт, үзбәк, яһүд, төрек һәм керәшен мәдәниятен чагылдырган 22 чыгыш күрсәтелде. Аларны Актаныш, Минзәлә, Мөслим, Сарман һәм Азнакайдан килгән коллективлар башкарды.

Зона сайлап алу турын оештырган Лениногорск районы милли костюмнар һәм уен кораллары алу өчен сертификат белән бүләкләнәчәк.

Барлык сайлап алу турлары барышында Татарстанда гомер итүче 20 төрле халык үз осталыгын һәм мәдәни үзенчәлеген күрсәтте.

Алга таба жюри әгъзалары 4 ноябрь, Халыклар бердәмлеге көнендә М. Җәлил исемендәге Татар академия дәүләт опера һәм балет театрында узачак фестивальнең Гала-концертында чыгыш ясаучыларны бигелиячәк.

Халыклар дуслыгы йортының мәгълүмат үзәге