(22 гыйнвар) Диния нәзарәте һәм Рус география җәмгыяте оешмасы үзара хезмәттәшлек мөнәсәбәте турында сөйләште.
Очрашуда шулай ук Татарстанда Рус география җәмгыяте оешмасы рәисе Дмитрий Шиллер, ТР МДНнең дәгъват бүлеге җитәкчесе Нияз хәзрәт Сабиров катнашты.
Бүген Диния нәзарәте һәм Рус география җәмгыяте оешмасы үзара хезмәттәшлек мөнәсәбәте турында сөйләште. “Антарктида-100” экспедиция вәкилләре Камил хәзрәткә рәхмәт хаты тапшырды. Мөфти РГҖнең су асты-тикшеренү отрядына үзенең хәер-фатихасын биргән иде.
Искәртәбез, Рус география җәмгыяте экспедициясендә катнашучылар Коръән һәм Казан Изге Ана иконасын Антарктидага илтте. ТР МДН исеменнән дәгъват бүлеге җитәкчесе Нияз хәзрәт Сабиров Кол Шәрифтә «Антарктида-100» экспедициясе вәкилләренә Татарстан җитәкчелеге ярдәме белән нәшер ителгән Изге китапны тапшырган иде. Шулай итеп Антарктидада беренче тапкыр азан әйтелде һәм ул Изге китаплы булды, дип хәбәр итә Татарстан мөселманнары Диния нәзарәте матбугат хезмәте.