(7 март 2019) «Кавказ style» фольклор-хореография коллективы «Вакыт һәм халыклар бәйләнеше: бию тарихының бер өлеше бул» дип исемләнгән яңа бию спектакле белән Татарстанның алты муниципаль районында чыгыш ясады.
Әлеге күчмә чара 2018 елда Татарстан Республикасы Министрлар кабинеты тарафыннан коммерцияле булмаган оешмалар өчен оештырлыган республика конкурсы җиңүчесе булган «Танцевальный экспресс» социаль проекты кысаларында үтте.
Концерт программасы барышында тамашачылар дагыстан халкы тарихына сәяхәт кыла: Кавказ халыклары тормышыннан вакыйгалар, аларның гореф-гадәтләре, йолалары белән таныша. Концерт номерлары бию, музыка, сүз һәм видеорәт берләштерелгән. Болай эшләү һәркемне сәхнәдә барган тамашага алып кереп китә.
Кызыклы куелыш, төрле халыклар биюләре ритмы, милли иҗади төсмер: боларның барысын да «Кавказ style» хореография коллективының бию программасында күрергә һәм тоемларга мөмкин.
Халыклар дуслыгы йортының мәгълүмат үзәге