(25 ноябрь, 2015 ел) Татарстан халыклары Дуслык Йортында “Казан татарлары” иҗат коллективы әниләр көненә багышланган концерт куйды. Ветераннар үз талантларын күрсәттеләр һәм тамашачыларга җыр-биюләр бүләк иттеләр.
“Казан татарлары” хоры күп конкурс һәм фестивальләр дипломанты. Хорның сәнгать җитәкчесе – Ләйлә Сәфиуллина, ул дирижер да булып тора.
Бу кичәдә хор татар халкының иң моңлы һәм матур җырларын башкарды: «Умырзая», «Әниләр», «Оныта алмыйм», «Зөләйха», «Кошларым», «Рәйхан». Шулай ук рус, башкорт һәм грузин халыклары җырлары да яңгырады.
Моннан тыш ветераннар тамашачыларны шаян биюләре һәм төрле уен коралларында уйный белүләре белән шаккатырдылар. Үзләренең көчләре белән “Казан татарлары” милли музыкаль мирасны сакларга һәм аңа карата булган мәхәббәт, хөрмәтке киләсе буыннарга тапшырырга тырышалар.
Концерт барышында тамашачылар залыннан бәяләү сүләре дә ишетелеп торды – “әфарин”, “булдырдыгыз”, “шәп”.
“Сез шундый талантлылар һәм матурлар. Сезгә карап, тулы тормыш итәсе килеп тора. Барыбызга да шатлык өләшкәнегез өчен зур рәхмәт”, — дип үз хисләре белән уртаклаштылар тамашачылар.
Белешмә. Хор 2011 елдан үз иҗат юлын башлаган. Бер төркем ветераннар пенсионерлар Клубы җитәкчесе Флера Бибаевага килеп, хор оештыруын сораганнар. Бу фикер хупланган. Коллективның репертуарында татар халык җырлары һәм композизицияләре өстенлек итә.
Диләрә Батршина,
Татарстан халыклары Дуслык Йорты мәгълүмат үзәге