(14 сентябрь 2019) Татарстан башкаласына Екатеринбургтан «Автопробег Зов предков 2019» Халыкара автомобиль экспедициясенең машиналар колоннасы килде. Йөрештә катнашучыларны Татарстан халыклары Ассамблеясе һәм Халыклар дуслыгы йорты вәкилләре каршы алды.
«Хёндэ», «Вольво», ВМВ һәм «Пежо» автомобильләре Мәскәү — Ташкент — Нур-Солтан — Улан-Батыр — Пекин — Пхеньян — Сеул — Мәскәү маршруты буенча автойөреш оештыралар. Колонна 9 июль көнне Россия башкаласыннан старт алды, 15 сентябрь көнне шунда ук тәмамланачак та.
Йөрешне Мәскәү өлкәсе кореялеләренең региональ милли-мәдәни автономиясе Советы рәисе Эрнест Ким җитәкчелегендә иҗтиагый оешма оештыра. Проектынң партнеры – Евразия халыклары Ассамблеясе һәм Россия халыклары Ассамблеясе.
Экспедициянең максаты — халык дипломатиясенең мөмкинлекләрен күрсәтү, Евразия киңлегендәге дәүләтләр арасындагы дуслык мөнәсәбәтләрен ныгыту, Россия, КХДР, КР, КХР, Казахстан, Үзбәкстан һәм Кыргызстан арасындагы икътисади, мәдәни, белем бирү һәм гуманитар хезмәттәшлекне җәелдерү.
Казанның Ярминкә мәйданында кореяле колоннаны ТР Дәүләт Советы рәисе, Татарстан халыклары Ассамблеясе Советы рәисе Фәрит Мөхәммәтшин исеменнән Татарстанның Халыклар дуслыгы йорты директоры, Татарстан халыклары Ассамблеясе Советы рәисе урынбасары Ирек Шәрипов, Казан шәһәре кореялеләренең милли-мәдәни автономиясе җитәкчесе Рудольф Ким һәм Халыклар дуслыгы йорты директоры урынбасары Наталья Мясникова сәламләде.
Трансазиат рейды катнашучылары әйтүенчә, һәр шәһәрдә алар җирле кореяле иҗтимагый оешмалар белән очрашканнар һәм җирле Халыклар дуслыгы йортларында булганнар. Казанда кунаклар өчен Кремль буенча экскурсия оештырдылар.
Дуслык йортының мәгълүмат үзәге