(7 апрель, 2016 ел) 16 апрель көнне Казанда “Юность” мәдәният сараенда “Туган телем – Тукай теле” дигән район күләмендә ачык фестиваль-конкурс үткәрелә, дип хәбәр итә башкала сайты аша шәһәрнең Киров һәм Мәскәү районнары хакимияте.
Татар халкының бөек шагыйре Габдулла Тукайның тууына 130 ел булуга багышланган конкурста 5 яшьтән алып 14 яшькә кадәрге балалар катнаша ала. Анда чыгышлар нәфис сүз, вокал-соло һәм әдәби театр номинацияләре буенча бәяләнәчәк.
Конкурста катнашу өчен гаризалар 14 апрельгә кадәр кабул ителә. Өстәмә мәгълүмат алу өчен тел.: (843) 571-84-81.