(4 октябрь 2019) Татарстанның Халыклар дуслыгы йортында яңа уку елында чит ил студентлары белән беренче очрашу узды. Чарада якын һәи ерак чит илләрдән килеп КМТТУның беренче курсында укучы студентлар катнашты.
Очрашуда аларга Россия законнары үзенчәлекләре, вакытында миграция исәбенә басу мөһимлеге һәм Казанда узучы мәдәни-массалы чаралар турында сөйләделәр.
Җыелышта Татарстан халыклары Ассамблеясе Советының башкарма комитеты җитәкчесе Николай Владимиров, ТР Яшьләр эшләре министрлыгының психологик ярдәм күрсәтү бүлеге педагог-психологы Гөлназ Гарипова, КМТТУның халыкара белем бирү программалары факультеты деканы Светлана Матвеева, КМТТУның социологик системалар факультеты җитәкчесе вазыйфаларын вакытлыча башкаручы Назар Атдаев һәм Татарстан халыклары яшьләр Ассамблеясе җитәкчесе урынбасары Амриддин Камолов чыгыш ясады. Алар югары уку йортларында үз-үзеңне тоту кагыйдәләре, чит ил студентларына карата миграция законнары аспектлары, Ассамблея һәм Дуслык йортының төп проектлары турында сөйләделәр һәм алга таба милләтара һәм динара элемтәләрне ныгыту мөһимлеге турында әйттеләр.
Очрашу чит ил студентларын яңа җирлеккә җайлаштыру буенча чаралар уздыру кысаларында ТР Яшьләр эшләре министрлыгы ярдәме белән Татарстан халыклары яшьләр Ассамблеясе тарафыннан оештырылды.
Дуслык йортының мәгълүмат үзәге