(22 август 2020) 28-30 август көннәрендә Татарстанда беренче ЭтноСтартапФорум үтәчәк. Чара Татарстан халыклары мәдәниятен саклау һәм үстерү буенча яшьләр эшкуарлык инициативаларын барлауга һәм алга этәрүгә багышлана.
Проектта милли-мәдәни оешмалар яшьләре, яшь эшкуарлар һәм үзмәшгульләр катнаша. Тәҗрибә белән уртаклашу өчен оештыручылар Россия буйлап уңышлы этник проектларны да катнашырга чакыра.
Программада лекцияләр һәм практик сессияләр:
Рөстәм Касыймов — OZON Идел буе директоры,
Дилбәр Садыкова — «Татарстан Республикасы туризмын үстерү үзәге» автоном коммерцияле булмаган оешма генераль директоры,
Дмитрий Васенин — Мари Эл Республикасының инвестицион үсеш агетлыгы җитәкчесе,
Роман Дементьев — «Емелины Печи» әзер мичләр остаханәсе җитәкчесе,
Михаил Кузнецов — «Tolstoywear» тегү производствосына нигез салучы һәм генераль директоры,
Владимир Эйналиев — «Unnamed» дизайн-студиясенә нигез салучы һәм креатив директоры.
ЭтноСтартапФорумда 150 кеше катнашыр дип көтелә. Катнашу өчен гаризалар 24 августка кадәр taba.tatar сайтында кабул ителә.
Проектны ТР Яшьләр эшләре министрлыгы һәм Татарстан халыклары яшьләр Ассамблеясе оештыра.
Халыклар дуслыгы йортының мәгълүмат үзәге