(11 октябрь, 2015 ел) Татарстан халыклары Дуслый Йортында Казанда яшәүче бурятларның беренче җыелышы үтте. Бу очрашуның максаты – Татарстан башкаласында бурят милләтенең барлык вәкилләрен туплый алган милли-мәдәни автономия төзү.
Ике сәгатьлек әңгәмә барышында диаспора төзүгә бәйле сораулар каралды. Ватандашлар белән танышканнан соң, катнашучылар шәхси уставларын тикшерү эшенә керештеләр. Бу уставның соңгы варианты Казанда 2016 елның 9 гыйнварында үтәсе бурятларның милли-мәдәни автономия конференциясендә имзаланачак.
Моннан тыш, җыелышта “Сагаалган” ай календаре буенча бурятларның Яңа елын үткәрү планы да каралды. Бу бәйрәм 8 февральдә зур итеп үткәреләчәк.
Сэсэгма Буреева сүзләренә караганда, Казанда бурятларның милли-мәдәни автономияләрен булдыру Татарстанда яшәүче бурятлар өчен бик мөһим чара. Диаспора үз якташларына төрле сораулар буенча ярдәм күрсәтәчәк, милли бәйрәмнәрне үткәрәчәк, актив иҗтимагый эшчәнлек алып барачак, ә башка милләт вәкилләренә Бурятиянең теле һәм мәдәнияты белән якыннан танышырга мөмкинлек бирәчәк.
Очрашу нәтиҗәсе итеп, планга кертелгән чараларга әзерлекне башларга дигән карар кылынды. Бурятларның киләче җыелышы халыклар Дуслык Йортында 2015 елның ноябрь аенда оештырылачак.
Шахноза Вахидова,
Татарстан халыклары Дуслык Йорты мәгълүмат үзәге