(23 гыйвар, 2017 ел) Чит илләрдән килеп Татарстанда укучы яшьләргә студентлар радиосы «йолдызлары» булу мөмкинлеге барлыкка килде, алар үз туган телләрендә чыгыш ясый алачаклар. Радио алып баручысына кстинг Татарстан халыклары Дуслыгы Йортында узачак.
Кастингны узган студент үз иле, мәдәнияты, Казанда яшәү һәм уку үзенчәлекләре турында сөйли һәм радиотыңлаучыларны традицион музыка белән таныштыра алачак.
Татарстан халыклары Яшьләр Ассамблеясе UFM студентлар радиосы, Казан федераль университетының интернет-радиосы белән берлектә яңа проект оештыра. Яңа радиопроектны Россия халкы да, чит ил аудиториясе дә тыңлый алачак. Ягъни, яңа радио алып баручысын аның туган ягында да ишетәчәкләр.
Кастингта катнашырга теләк белдерүчеләргә:
- Харизмалы булу, дөньяга позитив караш
- Үз туган телеңдә фикереңне матур һәм төгәл итеп аңлата белү
Кастинг 10:30 сәгатьтә, 29 гыйнвар якшәмбе көнне Павлюхин ур, 57 йорт адресы буенча урнашкан Татарстан халыклары Дуслыгы Йортында булачак.
Татарстан халыклары Дуслыгы Йорты мәгълүмат үзәге