(14 март 2021) Татарстанның Халыклар дуслыгы йортында «Татарстан Республикасында Чуаш милли-мәдәни автономиясе» төбәк иҗтимагый оешмасының хисап-сайлау конференциясе узды. (ФОТО)
Конференция эшендә Татарстан Республикасы Президентының эчке сәясәт мәсьәләләре Департаментының милли сәясәтне гамәлгә ашыру идарәсе башлыгы Данил Мостафин, Татарстан халыклары Ассамблеясы Советының Башкарма комитеты җитәкчесе Константин Яковлев, Татарстанның Халыклар дуслыгы йорты директоры Ирек Шәрипов, Чуаш милли конгрессы вице-президенты Владимир Тяпкин, Татарстан Республикасында чуваш милли-мәдәни автономиясе рәисе Дмитрий Самаренкин, шулай ук республиканың муниципаль районнарындагы 27 җирле чуаш бүлекчәсе җитәкчеләре һәм чуаш телендә чыгучы «Сувар»газетасы вәкилләре катнашты.
Конференция эше рәсми рәвештә хөрмәтле кунакларның сәламләү сүзләре белән ачылды.
Алга таба көн тәртибе кысаларында, оешманың 2017-2020 еллардагы эшчәнлеге турындагы хисап доклады белән Дмитрий Самаренкин һәм ревизия комиссиясе рәисе чыгыш ясады.
Конференция «Аталан» яшьләр хәрәкәте җитәкчесе Артем Носков, «Сувар» республика чуаш газетасы баш мөхәррире Ирина Трифонова, Казан шәһәренең күпмилләтле якшәмбе мәктәбенең чуаш бүлеге укытучысы Сильвия Чаркина, чуаш автономиясе рәисе урынбасары, «Чекес» халык ансамбле җитәкчесе Елена Кондюкова һәм Татарстанның туган якны өйрәнүчеләр берлеге рәисе Александр Семенов чыгышлары белән дәвам иттерелде.
Чыгышларны тыңлаганнан соң, катнашучылар оешма Уставындагы үзгәрешләр турында фикер алыштылар, Совет, ревизия комиссиясе әгъзаларын, автономия рәисен һәм рәис урынбасарларын сайладылар. Тавыш бирү нәтиҗәләре буенча Дмитрий Самаренкин рәис вазыйфасына яңадан сайланды.
Хисап-сайлау конференциясе оешма активистларын Татарстан Республикасы Мәдәният министрлыгының, Татарстан халыклары Ассамблеясенең Рәхмәт хатлары белән бүләкләү һәм Чуаш Республикасының атказанган мәдәният хезмәткәре Фәридә Фәйзуллинаның бәйрәм иҗат программасы белән тәмамланды.
Дуслык йортының мәгълүмат үзәге