(27 июня 2019) 3 июль көнне Татарстанның Халыклар дуслыгы йортында БДБ Рәссамнар профессиональ союзының Казан бүлекчәсе әгъзасы Дания Казакованың юбилей күргәзмәсе ачыла.
Киндергә майлы буяулар ягып ясалган картиналар кунакларга Казанның матур урыннарына гына түгел, ә автор сәяхәт кылган илләрне дә күрсәтәчәк, Италия, Канада, Испания, Швейцария, Вьетнам һәм Тайланд пейзажлары белән рухландырачак.
Дания Казакова Рәссамнар профессиональ союзының коллектив күргәзмәләрендә («Сакура» галереясендә), Идел буе төбәк күргәзмәләрендә (Казандагы Халык хуҗалыгы казанышлары күргәзмәсенең «Арт-галереясе») актив катнаша.
Халыклар дуслыгы йортында узачак юбилей күргәзмәсе 16:00 сәгатьтә ачылачак.
Халыклар дуслыгы йортының мәгълүмат үзәге