(25 ноябрь 2019) В.И. Ленин исемендәге мәдәни-ял итү комплексында «Күпмилләтле Казан – бию» фестивале үтәчәк. Татарстан халыклары Ассамблеясе һәм Дуслык йортының милли-мәдәни автономияләре җитәкчеләре чараның кунаклары булачак.
Фестивальнең финалында сайлап алу турларын үткән иң әйбәт чыгышлар күрсәтеләчәк. Аларны милли-мәдәни иҗтимагый берләшмәләр, милли-мәдәни үзәкләр, үзешчән фольклор-этнографик коллективлар, Казанның мәдәният һәм мәгариф учреждениеләре иҗади берләшмәләре вәкилләре башкарачак.
Фестиваль 5 декабрь көнне 17:00 сәгатьтә башланачак. Чараны Казан шәһәренең башкарма комитеты һәм Татарстан халыклары Ассамблеясе оештыра.
Дуслык йортының мәгълүмат үзәге