Казанда «Казахстан татарлары» белешмәлеген тәкъдим иттеләр

(9 июнь, 2017 ел) Татарстанның Халыклар Дуслыгы йортында «Казахстан татарлары» иллюстрацияле энциклопедик белешмәлекне тәкъдим иттеләр. Аны ТР Фәннәр академиясенең Татар энциклопедиясе һәм төбәкне өйрәнү институтының авторлар коллективы төзегән. (ФОТО)

Проктның кураторы буларак Институт директоры урынбасары Рафаэль Шәйдуллин чыгыш ясады.

Татар энциклопедиясе һәм төбәкне өйрәнү институты директоры Искәндәр Гыйләҗев әйтүенчә, әлеге белешмәлек татарстанлыларга гына түгел, ә казахстанлыларга да бик кызыклы булачак. Белешмәлек тиражы — 150 экзмепляр.

«Без, әлбәттә, өстәмә тираж чыгару турында да уйлыйбыз, — дип сөйләде Искәндәр Гыйләҗев. — Әмма ул электрон рәвештә булачак. Ел дәвамында бу эш башкарылыр дип уйлыйбыз».

Реальное время