Татарстанның Халыклар дуслыгы йортында Казан һәм Ижау укучыларының иң яхшы эссе һәм «Халык геройлары — ил геройлары» тикшеренү проекты буенча төбәкара конкурс җиңүчеләрен бүләкләү тантанасы узды. (ФОТО)
Конкурста җиңүчеләрне Халыклар дуслыгы йорты директоры урынбасары Наталья Мясникова сәламләде. Ул конкурсның әһәмиятен билгеләп үтте, чөнки җиңүчеләрне бүләкләү тантанасы Россия көненә багышланган иде. Шулай ук ул проектта катнашучыларга алга таба иҗади уңышлар һәм яңа фәнни ачышлар теләде.
Конкурсның максаты – Ижау һәм Казан балаларын һәм яшьләрен илнең Хәрби тарихын өйрәнү һәм Күпмилләтле Россия халыкларының нацизмны Җиңүгә керткән өлеше турында фәнни белемнәр формалаштыру аша җәмгыятьне ксенофобиядән һәм экстремистик кәефләрдән саклауга юнәлдерелгән эшчәнлеккә җәлеп итү.
Быел конкурста ике юнәлеш буенча канашырга мөмкин иде: «Халык геройлары – ил геройлары» тикшеренү проекты һәм «Сугыш балалары: барысы да фронт өчен, барысы да җиңү өчен» эссесы.
2023 елның мартында конкурсның мәктәп этабы узды. Анда Казан мәктәпләренең 6-11 сыйныфларыннан ике меңнән артык укучы катнашты. Шәһәр буенча мәктәп этабында 169 мәктәптән ике мең катнашучының 373е җиңде һәм район этабына чыкты.
Шәһәр этабында 101 укучы катнашты, ә төбәкара финал этабына 37 мәктәптән 39 укучы чыкты. Казанның Яңа Савин районы 9 нчы мәктәбе, Вахитов районы Г.Тукай исемендәге 1 нче татар гимназиясе һәм Мәскәү районы 55 нче мәктәбе укучылары аеруча да активлык күрсәтте.
Дуслык йортының мәгълүмат үзәге