10 сентябрьдә «Милли кием көне» Республика бәйрәме кысаларында «Мәдәниятләр мозаикасы» сигезенче этноконфессиональ фестивале узачак. Бәйрәм Казанның Кремль яр буенда узачак. Башлана 14:00 сәгатьтә.
Фестиваль мәйданчыгында халык һөнәрләре эшләнмәләре күргәзмәсе, этномаркет, Татарстан Республикасының традицион конфессия мәйданчыклары, шулай ук фудмаркет эшләячәк.
Концерт программасында Татарстан халыклары Ассамблеясы һәм Дуслык Йорты, Татарстан халыклары Яшьләр Ассамблеясе коллективлары, шулай ук күрше төбәкләрдән чакырылган артистлар һәм коллективлар катнашачак: Августа Уляндина (Чувашия), «АйКай» дәүләт ансамбле (Удмуртия), «Чоным Почын Мурена» проекты (Марий Эл), «Волга-фолк Бэнд» (Самара). Фестивальнең хедлайнеры буларак Фирдүс Тямаев чыгыш ясый.
Милли мәдәниятләр бәйрәме 22:00 сәгатькә кадәр дәвам итәчәк.
Дуслык йортының мәгълүмат үзәге