(21 март 2021) Казан ипподромы мәйданчыгында төрки һәм иран халыкларының «Нәүрүз» республика бәйрәме үтә. Бәйрәмгә килә алмаучылар чараның онлайн рәвештәге турыдан-туры трансляциясен карый ала. Фото (альбом 1)
Бәйрәм кунаклары өчен кызыклы күңел-ачу чаралары әзерләнгән:
- Төп сәхнәдә Татарстан халыклары Ассамблеясенең милли-мәдәни берләшмәләре коллективлары катнашында күпмилләтле концерт программасы булачак.
- Татарстанда бәйрәм тарихында беренче тапкыр «Пылау фестивале» узачак. Халык тавыш бирү юлы белән иң яхшы рецепт һәм пылау әзерләү остасы билгеләнәчәк. Җиңүчегә бүләккә казан биреләчәк.
- Нәүрүзнең төп атрибутларыннан берсе – шыттырылган бодай бөртекләреннән ясалучы сумалактан авыз итәргә мөмкин булачак.
- Барлык кунаклар да Нәүрүзнең традицион халык уеннарында катнаша ала. Катнашучылар һәм җиңүчеләр махсус бүләкләр алачак.
- Бәйрәм кысаларында «Нәүрүз гүзәле» матурлык һәм талант конкурсы узачак. Милли җәмгыятьләрнең иң матур кызлары милли киемнәр һәм талантларын күрсәтәчәк.
- Бәйрәм кысаларында беренче тапкыр «Нәүрүз батыр» бәйгесе узачак.
- Бәйрәм кунаклары урам театры һәм джамперлар тамашасын күрәчәкләр.
- Беренче тапкыр милли-мәдәни оешмалар арасында киез итекләрдә хоккей буенча чемпионат оештырылачак.
- Көн дәвамында Нәүрүз мәйданында Этномаркет эшләячәк. Анда милли эшләнмәләрне сатып алу мөмкинлеге булачак.
- Беренче тапкыр социаль челтәрләрдә бәйрәмнең турыдан-туры трансляциясе алып барылачак.
Көн дәвамында Әзербайҗан, Башкортостан һәм Үзбәкстан белән турыдан-туры ялгану оештырылачак, кунаклар әлеге төбәкләрдә бәйрәмнең ничек узуын күрә алачаклар.
Бәйрәмнең турыдан-туры трансляциясе Татарстанның Халыклар дуслыгы йортының Вконтакте төркемендә уза.
Дуслык йортының мәгълүмат үзәге