(2 март 2021) Татарстанның Халыклар дуслыгы йортында төрки һәм иран халыкларының «Нәүрүз» республика бәйрәменә әзерлек һәм аны уздыру буенча оештыру киңәшмәсе узды. Бәйрәм 21 мартка билгеләнгән.
Киңәшмәдә республиканың милли-мәдәни берләшмәләре, Татарстан халыклары Ассамблеясе һәм Халыклар дуслыгы йорты җитәкчеләре, ТР Президенты Аппараты, республика министрлыклары һәм ведомстволары, мәдәният учреждениеләре вәкилләре катнашты.
Исегезгә төшерәбез, эпидемиологик хәлгә бәйле рәвештә 2020 елда Нәүрүзне зурлап бәйрәм ителмәде.
Быел Нәүрүз традицион мәйданда — Казан ипподромында узачак. Бәйрәмне оештыруда һәм үткәрүдә әзербайҗан, әфганстан, башкорт, кыргыз, таджик, төрек, төркмән, үзбәк милли-мәдәни берләшмәләре, Татарстан халыклары яшьләр Ассамблеясе вәкилләре катнашачак.
Дуслык йортының мәгълүмат үзәге