(27 август 2018) Казанда Россия халыклары милли әдәбияты фестивале ачыла. Чара матбугат һәм массакүләм коммуникацияләр буенча федераль агентлык чынга ашылучы Россия халыклары милли әдәбиятына булышлык күрсәтү Программасы кысаларында узачак.
Бәйрәм чаралары Василий Аксенов музей-йорты базасында 27 август көнне башланып, 30 августта Татарстан Республикасы көнендә тәмамланачаклар. Фестивальдә катнашучылар һәм музейга килүчеләр иҗади очрашуларда, түгәрәк өстәлләрдә катнаша алачаклар. Биредә Россия милли әдәбиятының хәзерге халәте һәм аның үсеш тенденцияләре, милли телләрдән тәрҗемә ясау проблемалары турында фикер алышачаклар.
Фестивальнең максаты — илебездәге милләтләрнең сирәк очрый торган телләрен популярлаштыру һәм аларга булышлык күрсәтү, әдәби иҗатны активларштыру.
Чарада Дагыстан, Якутия, Карелия, Мордовия, Калмык, Ханты-Манси автоном округы, Удмуртия, Бурятия һәм башка төбәкләрдән килгән шагыйрьләр, журналистлар, әдәбиятчылар, актерлар, тарихчылар катнашачак.
Халыклар дуслыгы йортының мәгълүмат үзәге