1-6 ноябрьдә Габдулла Кариев исемендәге Татар дәүләт яшь тамашачылар театрында «Әйдәбас» татар биюен үстерү остаханәсе» проектының белем бирү атналыгы кысаларында чаралар узачак. Остаханә татар биюенең төбәк үзенчәлекләре буенча теләсә кайсы юнәлештәге педагоглар һәм хореографлар өчен бушлай белем бирү атнасыннан гыйбарәт.
Программада:
— Россиянең 6 төбәгеннән килгән экспертлардан татар биюенең төбәк үзенчәлекләре буенча мастер-класслар;
— татар костюмы тарихы һәм фольклор материалларны сәхнә әсәре итеп эшкәртү турында лекцияләр;
— 2023 елның маенда яшь тамашачы театры сәхнәсендә проектның йомгаклау концертында үз коллективың белән яңа куелыштагы татар биюен тәкъдим итү мөмкинлеге.
Тулырак мәгълүмат — проект битендә.
Дуслык йортының мәгълүмат үзәге