(13 июнь 2018) Европа, америка, мексика, бразилия, әзербайҗан көйләре, рус һәм татар фольклоры, грузин һәм әрмән, казак һәм чегән җырлары һәм башка милли көйләр Казанда узачак «Этно-микс» программасында яңгыраячак. Концерт программасы С.Сәйдәшев исемендәге Дәүләт зур концерт залында 4 июль көнне үтәчәк.
Башкаралар — Миләүшә Тәминдарова җитәкчелегендәге ТР Дәүләт камера хоры һәм «Казан нуры» халык уен-кораллары оркестры.
Программага «crossover» оригиналь жанрындагы төрле континент, ил, стильдәге музыка кертелгән.
Халыклар Дуслыгы йортының мәгълүмат үзәге