(9 май, 2017 ел) «Үлемсез полк» патриотик акциясенең бер колоннасын Татарстан халыклары Ассамблеясе һәм Халыклар Дуслыгы йорты вәкилләре тәшкил итте. Акциядә барлыгы 120 мең кеше катнашты.
Татарстан халыклары Яшьләр Ассамблеясе активистларыСоветлар Союзы халыкларының уртак Җиңүгә керткән өлешләрен ассызыклап йөрешкә милли костюмнардан чыктылар.
Татарстан халыклары Ассамблеясе һәм Халыклар Дуслыгы йорты колоннасы Ирек мәйданыннан алып Меңъеллык мәйданган кадәрге араны узды.
Акциянең күп кенә катнашучылары әйтүенчә, төрле милләт вәкилләре Бөек Ватан сугышына багышланган җырларны хор белән башкарганнар: «Катюша», «День Победы», «Смуглянка». Йөрешнең һәр катнашучысы төрле милләт вәкиле булган үз туганнарының, шулай ук сугыш геройларының портретларын тоткан иде.
Йөрештә Татарстан Республикасы җитәкчеләре, җәмәгать оешмалары вәкилләре катнашты.
Бүгенге көндә «Үлемсез полк» акциясе 70тән артык илне урап алды, Россиядән Австралия һәм Аргентинага кадәр.
Татарстанның Халыклар Дуслыгы йортының мәгълүмат үзәге