Казанда “Яз Гүзәле – 2025” бәйгесе башланып китте. Бәйге барышында илнең төрле төбәкләреннән килгән студент кызлар үз сәләтләрен күрсәтәчәкләр.
Кичә кызлар Казан белән таныштылар, Кремльне карадылар, Кол Шәриф мәчетенә сокландылар, Иске Татар бистәсендә гизделәр. Ә кичен инде иҗади бәйгенең репетицияләре башланды. Бүген кич Казан дәүләт энергетика университетының актлар залында бәйгенең беренче көне – иҗади ярышлар уза. Кызлар җыр, бию, актерлык осталыгында көч сынашачаклар.
“Яз гүзәле”нең финалында татар гореф-гадәтләре белән кызыксынучы югары һәм урта һөнәри белем бирү оешмаларыннан 30 кыз катнашачак. Бәйгенең финалы 9 апрель узачак.
“Яз Гүзәле – 2025” Татарстан Республикасы Рәисенең Татарстан Республикасында яшәүче халыклар вәкилләренең туган телләрен һәм татар телен саклау, үстерү мәсьәләләре буенча комиссиясе, Татарстан Республикасының Яшьләр эшләре министрлыгы һәм «Идел» яшьләр үзәге ярдәме белән уздырыла.