Татарстан башкаласында «Жемчужина мира-2024» XV еллык студентлар фестиваленең финалы узды. Быел югары титул өчен Казанда белем алучы 12 чит ил студенты көрәште.
Бу юлы җиңүне Үзбәкстаннан Камилә Исраилова яулады. Икенче урынны Казахстаннан Акбаян Серикказина, ә өченче урынны Таҗикстаннан Хүснүрә Таирова алды.
«Гариза барлыгы 40ка якын гүзәл заттан кабул ителде. Конкурс үзе дүрт этаптан тора: сайлап алу өлеше, катнашучылар тарафыннан рус шагыйре Александр Пушкинның шигырьләрен уку әдәби кичәсе, кунакчыллык дәресләре һәм турыдан — туры финал», — дип сөйләде Татарстан Республикасы халыклары Яшьләр ассамблеясе рәисе урынбасары Диләрә Дамар.
Ул билгеләп үткәнчә, быелгы төп бүләк — авиаочыш өчен 20 мең сумлык сертификат.
Конкурсның финалы өч өлештән тора: дефиле, иҗади номер һәм үз гаилә традицияләре турында хикәя.