(19 гыйнвар) Бүген православие вәкилләре Чумылдыру — Крещение Господне бәйрәмен билгеләп үтә
16
Чумылдыру (крещение) бәйрәмендә Татарстанда яшәүчеләр өчен «Живоносный источник» чиркәве, Красная Горка бистәсендә Николай чиркәве, Тынычлык бистәсендә Мәрьям ана Казан иконасы мәхәлләсе, Коткаручының кулдан ясалмаган сурәте — Нерукотворный образ Спасителя мәхәлләсе, изге бөекизаланучы Параскева Пятница чиркәве, Борисково бистәсендә Илия пәйгамбәр мәхәлләсе һәм Левченко бистәсендә “Всецарица” Мәрьям ана иконасы хөрмәтенә мәхәллә изге суда чумылу чарасы оештырыла.
Суга чумылу өчен якындагы Идел һәм Казансу елгаларында, Югары Кабан, Зәңгәр һәм Раифа күлләрендә бәкеләр ясалачак, дип сөйләде “Татар-информ” МА хәбәрчесенә Татарстан митрополиясе Архиерейский советы секретаре иеромонах Филарет (Кузьмин).
«Крещение бәйрәмендә су коену ул мәҗбүри традиция түгел, — бу һәр кешенең теләгеннән тора, — дип билгеләп үтте Филарет атакай. – 18 гыйнвардан 19 гыйнварга каршы төндә чиркәүләрдә гыйбадәт кылганнан соң, бәкеләрдә суны изгеләштергәч кенә коенырга ярый”.