Казан дәүләт медицина университетында (КДМУ) чит ил студентлары өчен хокукый ярдәм көне уздырылды. Бу чарада Татарстан Республикасында кеше хокуклары буенча вәкаләтле вәкиле Сәрия Сабурская, Татарстан халыклары Дуслыгы йорты директоры урынбасары Рафил Әхмәдуллин, университет вәкилләре һәм башкалар катнашты.
Татарстан Республикасында кеше хокуклары буенча вәкаләтле вәкилнең матбугат хезмәте
«Студентлар ягыннан зур кызыксыну күрү бик күңелле булды! Бер студент шунда ук үз проблемасын чишү өчен социаль медиа аша безгә мөрәҗәгать итте, һәм, әлбәттә, без аның мәсьәләсен эшкә алачакбыз»,-диелә ведомствоның матбугат хезмәте хәбәрендә
Чара сорау-җавап формасында уздырылды. Бүгенге көндә Казанның югары уку йортларында 18 142 чит ил студенты белем ала. Аларның шактый өлеше Төркмәнстаннан (5642 студент), Кытайдан (2446), Үзбәкстаннан (1947), Ираннан (1738), Казахстаннан (1097), Һиндстаннан (990), Таҗикстаннан (811). Студентларның күпчелек проблемалары Россия законнары, үз хокуклары һәм бурычлары, аларны яклау ысуллары турында белем җитмәү аркасында барлыкка килә.
ТХДЙның мәгълүмат үзәге.