(30 октябрь 2020) Халык бердәмлеге көне алдыннан (2020 елның 30 октябре) Казан мәктәпләре укучылары истәлекле датага багышланган гадәти булмаган дәрестә булды. 6 нчы сыйныф укучылары дискуссиядә катнашты, бәйрәмнең барлыкка килү тарихы һәм илебезнең төрле шәһәрләрендә аның ничек билгеләп үтелүе турында үзләре сораулар бирә алды.
15 нче мәктәптә дәресне Татарстанның Халыклар Дуслыгы йорты директоры урынбасары Анастасия Исаева үткәрде.
Шулай ук дәрес вакытында балалар Дуслык Йорты, милли-мәдәни автономияләр эше, ел саен 4 ноябрьдә үтүче «Йортыбыз – Татарстан» республика этномәдәни фестиваленең ничек узуы турында күбрәк белә алдылар.
Дәрес ахырында балаларга Халыклар бердәмлеге көне темасына кроссвордлар конкурсында катнашырга тәкъдим ителде. Бүләкләр дә үз җиңүчеләрен тапты. 1 нче, 2 нче һәм 3 нче урыннарны алучылар үзләренең кроссвордларын ничек ясаулары турында сөйләделәр.
Соңыннан укучылар дуслык йортының үзендә булу, аның эше белән якыннанрак танышу, шулай ук «Дуслык һәм татулык дәресләре»интерактив мәдәни-белем бирү проектында катнашу өчен чакыру алдылар.
Дуслык йортының мәгълүмат үзәге