(15 ноябрь 2018) ТР Дәүләт Советы рәисе, Татарстан халыклары Ассамблеясе рәисе Фәрит Мөхәммәтшин дәүләт бүләкләре тапшырды. Халыклар дуслыгы йортының «Алтын» ансамбле сәгать җитәкчесе Гөлнара Гыймаева «Татарстан Республикасының атказанган артисты» исеменә лаек булды.
Дәүләт бүләге мәгариф, сәламәтлекне саклау, дәүләт идарәсе өлкәсе хезмәткәрләре, фән һәм мәдәният, машина төзелеше, авыл хуҗалыгы һәм башка тармак әһелләре – барлыгы 49 кешегә тапшырылды.
«Бу залда икътисад, иҗтимагый, мәдәни, мәдгариф, җитештерү, сәнәгать өлкәләрендә үз-үзен күрсәтә алган 50гә якын татарстанлы утыра. Биредә дәүләт хезмәткәрләре, депутатлар, Федерация Советы әгъзалары бар. Сез Татарстанның иҗтимагый-икътисади үсеше өчен башкарган зур хезмәтегез өчен тиешле бүләкләрегезне аласыз», — дип сөйләде Фәрит Мөхәммәтшин.
Болгар ислам академиясенең канцелярия мөдире Зөбәрҗәт Фазылшинага «Фидакарь хезмәт өчен» медале тапшырылды.
«Алга таба да республикадагы халыклар арасында тынычлык, дуслык һәм аңлашу булсын өчен әлеге академия аеруча да зур роль уйнарга тиеш», — дип сөйләде ТР Дәүләт советы рәисе.
Халыклар дуслыгы йортының мәгълүмат үзәге