(3 июль 2020) 24 июнь көнне Мәскәүдә үткән юбилей Җиңү Парады уңаеннан Татарстанның Халыклар дуслыгы йорты уен игълан иткән иде. Бу көннәрдә уенга нәтиҗә ясалды һәм аның җиңүчесе дип Казаннан Лилия Шакирова танылды.
Уенда катнашу өчен Дуслык йортының Вконтакте челтәрендәге рәсми сайтына язылып, «Татариядә яшәүче яки армиягә алынган ничә фронтчы 1945 елда Мәскәүдә үткән Җиңү Парадында катнашкан?» дигән сорауга дөрес җавап бирергә кирәк иде. Барлык катнашучылар арасыннан нәкъ менә Казан шәһәреннән Лилия Шакирова барлык шартларны төгәл үтәде. Аңа Дуслык йортының фирмалы футболкасы тапшырылды. Котлыйбыз!
Дөрес җавап. Дүрт томнан торган «Җиңүчеләр» Бөтенроссия басмасы мәгълүматлары буенча, җиңүле 1945 елның июнь аенда Кызыл мәйдан буенча республикада яшәүче яки армиягә алынган 69 фронтчы маршлап үткән.
Дуслык йортының мәгълүмат үзәге