(6 сентябрь, 2017 ел) Татарстанның Халыклар Дуслыгы йортында коммерцияле булмаган оешмалар өчен түгәрәк өстәл үтте. Анда әлеге вакытта актуаль булган грантларга гариза бирү һәм документлар рәсмиләштерү тәртибе буенча сораулар каралды.
Актуаль грантлар белән ТР Хезмәт, халыкны эш белән тәэмин итү һәм социаль яклау министрлыгы, ТР Икътисад министрлыгы һәм ТР Президент Аппараты вәкилләре таныштырды.
Түгәрәк өстәл барышында гариза бирү вакытында документларны дөрес тутыру, максат һәм бурычларны билгеләү, шулай ук бүгенге көндәге төп грант бирүчеләр һәм грант системасы ярдәмендә алып барылучы иҗтимагый тормыш юнәлешләре турында сөйләштеләр.
Мондый укулар еш оештырыла. Аларның уңай нәтиҗәсе булып Татарстан халыклары Ассамблеясе составына кергән милли-мәдәни автономияләр тарафыннан отылган грантлар динамикасы тора. Соңгы еллар дәвамында милли-мәдәни берләшмәләр тарафыннан 16 миллион сумлык 60тан артык иҗтимагый-мәдәни проект тормышка ашырылган. Шуларның соңгысы — Татарстан Республикасы немецларының милли-мәдәни автономиясенеке. Аларга «100 ел элек булган Казан фотосурәтләрдә һәм открыткаларда» тарихи-мәдәни-сәгать китап-альбомын бастыру өчен Россия Презеденты гранты бирелде.
Халыклар Дуслыгы йортының мәгълүмат үзәге