(27 февраль, 2017 ел) Татарстан халыклары Дуслыгы Йортында «Мистер Х» конкурсы үтте. Анда 6 егет катнашты. Алар үз милләтләрен генә түгел, ә талантларын, зиһен һәм юмор хисләрен күрсәтте.
Һәр конкурсант кызыклы һәм лаеклы программа әзерләгән иде.
«Кызлар йөрәген яулаучы» номинациясендә Сирия якташлары җәмгыяте вәкиле Асаад Язан, «Мистер креатив» номинациясендә үзбәк общинасы вәкиле Тимур Хәсәнов, «Көчле буй-сын» номинациясендә әрмән общинасы вәкиле Аркади Погосян, «Пафос» номинациясендә чуаш общинасы вәкиле Николай Никоноров, «Конгениальлек» номинациясендә таджик общинасы вәкиле Алишер Самадов, «Текә егет» номинациясендә әзербайҗан общинасы вәкиле Элвин Мөслимов җиңү яулады.
Озак уйлану, тавыш бирүләр исәбе һәм бәхәстән соң абсолют җиңүче дип Тимур Хәсәнов билгеләнде.
«Тамашачылар мәхәбббәте» призын яулаучы исемен һәркем түземсезлек белән көтте. Чараны оештыручылар әлеге номинацияне Аркади һәм Элвин арасында бүләргә булдылар. Аларның һәрберсе өчен 6 меңнән артыграк кеше тавыш бирде.
Конкурс күп кенә спонсорлар булышлыгы белән оештырылды һәм узды, проектның төп режиссеры — Байры Джумаев.
Татарстан халыклары Дуслыгы Йорты мәгълүмат үзәге