Күргәзмәне Ингушетия Республикасының Татарстандагы илчелеге, Татарстан халыклары Ассамблеясе һәм Халыклар Дуслыгы йорты, Казандагы «Магас» ингуш милли-мәдәни автономиясе оештыра.
Тимур Агиров — башлыча Кавказ тематикасында эшләүче россияле фотограф, блоггер һәм сәяхәтче. Фотограф буларак Ингушетия, Төньяк Осетия, Чечня һәм якын тирә регионнарда төшерелгән сурәтләр һәм виртуаль 3D-турлар-панорамалар, әлеге темага кагылган онлайн-проектларның күләме белән танылган. Фотограф үзе Төньяк Кавказдагы Интернет челтәрендә һәм Ингушетиядә бик популяр. Әлеге җирлекләргә ул күп еллар дәвамында фотоэкспедиция белән килгән.
Күргәзмәнең ачылу тантанасында теләгән һәркем фотосурәтләр белән таныша һәм чын ингуш сырыннан авыз итә алачак.
Ачылу тантанасы 2 ноябрьдә 17:00 сәгатьтә башлана.
Халыклар Дуслыгы йортының мәгълүмат үзәге