(2 август 2018) Институттан килгән делегация белән очрашуда Татарстан халыклары Ассамблеясе составына керүче милли-мәдәни автономияләр җитәкчеләре катнашты.
Казан кооператив институты ягыннан тәрбия эшләре буенча проректор Роберт Нуриев, ректор ярдәмчесе Сираҗетдин Нәбиев, хуҗалык бүлеге җитәкчесе Илдар Насыйбуллин, тышкы элемтәләр бүлеге җитәкчесе Асия Низамиева, икътисад һәм таможня эше факультеты деканы урынбасары Гөлнара Хәсәнова килгән иде.
Институт вәкилләре милли-мәдәни автономия җитәкчеләрен Казан кооператив институты һәм мәгариф системасы белән таныштырдылар, аның үзенчәлекләрен һәм специялизациясен аңлаттылар, шулай ук уку йортында читтән торып уку (башка төбәк яки илдә торып та) һәм россия дипломын алу мөмкинлеге булуын да әйттеләр.
2017 елда Россия кооперация университетының Казан кооператив институты Россиянең 100 иң әйбәт югары уку йортлары исемлегенә кергән. Ул Татарстанда төп күп дәрәҗәле кооператив белем бирүче уку йорты булып санала. Анда 6000нән артык студент белем ала.
Институтның структур бүлекчәсе булып колледж санала. Колледждан соң абитуриетларга тизләтелгән программа буенча югары белем алу мөмкинлеге дә каралган.
«Безнең институтның бурычы — студентларга практик ярдәм итү, бизнес-проектларны, грантарны рәсмиләштерүдә һәм бизнес алып баруда булышлык күрсәтү», — дип сөйләде Сираҗетдин Нәбиев.
Очрашу ахырында институт вәкилләре милли-мәдәни автономияләр җиткчеләрен һәм аларның яшьләр бүлекләре активистларын сентябрьдә Казан кооператив институтын килеп карарга чакырдылар, шулай ук мәгълүмати материаллар тараттылар һәм киләчәккә хезмәттәшлек өчен контактлар белән алмаштылар.
Халыклар дуслыгы йортының мәгълүмат үзәге