(21 август 2019) Татарстанның Халыклар дуслыгы йортында чит ил вәкиллеренең рус телен белүләрен тану буенча комиссия утырышы узды. Сынау өч этапта узды — изложение, грамматик бирем һәм әңгәмә.
Имтиханны БДБ илләренең якын чит ил вәкилләре тотты. Комиссия составына ТР буенча ЭЭМ миграция сораулары буенча идарәсе һәм белем бирү учреждениеләре вәкилләре керде.
Имтихан башланыр алдыннан комиссия әгъзалары чит ил гражданнары һәм гражданлыкка ия булмаучыларга карата закон таләпләре һәм төп төшенчәләр белән таныштырды.
Әңгәмә өлешен узганнан соң 5 көн дәвамында чит ил вәкилләренә рус телен белүләрен тану буенча карар тапшырыла. Карарны алганнан соң үз илләренең илчелеге яки консуллыгы учреждениесенә барып, элекке гражданлыктан баш тарту турындагы гаризаны тапшырырга кирәк. Яшәүгә рөхсәт бирү турындагы гариза аны кабул иткәннән соң ике ай дәвамында карала.
Россия территориясендә даими яшәүче һәм рус телен белүләрен тану турындагы карарны алучы чит ил гражданнары һәм гражданлыкка ия булмаучылар, башка дәүләт гражданлыгыннан чыгуларын раслаучы документка ия булгач, илебез гражданлыгын алу өчен документлар тапшыра алалар.
Имтиханны узучылар үз нәтиҗәләрен ТР буенча ЭЭМ миграция сораулары буенча идарә бүлегендә (Михаил Миля урамы, 63а йорты) белә алалар.
Халыклар дуслыгы йортының мәгълүмат үзәге