(28 март, 2017 ел) 8 апрель көнне бөтен Россия буйлап «Тоталь диктант» акциясе узачак. Гадәт буенча, Татарстан халыклары Дуслыгы Йорты да әлеге акцияне үткәрү мәйданнарының берсе буларак игълан ителде.
Исегезгә төшерәбез, узган елны Халыклар дуслыгы Йортында 150 кеше диктант язган иде. Бу елны әлеге акция өчен текстны «Зур китап» лауреаты, язучы Леонид Юзефович язды. Акция 14:00 сәгатьтә башланачак.
«Тоталь диктант» — ел саен оештырылучы белем бирү акциясе. Анда теләге булган һәркем катнаша ала. Акциянең максаты — «белемле булу — һәркем өчен мөһим», дигән гыйбарәне төшендерү, рус телен белү кыен гына түгел, ә кызыклы һәм файдалы да икәнен аңлату, рус телендә сөйләшә һәм яза белүчеләрне берләштерү.
Татарстан халыклары Дуслыгы Йорты мәгълүмат үзәге