(19 март 2015) Ел дәвамында татар халкының гореф-гадәтләренә һәм мәдәниятенә багышланган чаралар оештырылачак.
Хохорскида (Иркутск өлкәсе, Бохан районы) Татар мәдәнияте елы игълан ителде. Аны тантаналы рәвештә ачу чарасы март аена билгеләнгән.
Ел дәвамында муниципаль берәмлек территориясендә татар халкының гореф-гадәтләренә һәм мәдәниятенә багышланган чаралар оештыру ниятләнә. “Дуслык” халык ансамбле һәм “Сандугач” балалар коллективы һәр авылда концерт программасы белән чыгыш ясарга планлаштыра.
Харатирген авылында милли ризыклар бәйрәме, Хохорскида декоратив-гамәли сәнгать күргәзмәсе, авыл китапханәләрендә тематик күргәзмәләр, ә мәктәпләрдә исә татар мәдәниятенә багышланган сыйныф сәгатьләре оештырылачак, диелә Бохан районы сайтында. Районда татар милләтеннән булган 152 еше гомер итүе билгеле.
Чыганак: «Татар информ» ИА