(20 июль, 2015 ел) Быел милли бәйрәмнең анда 10 нчы тапкыр уздырылуы
Быел Сахалин Сабан туе июльнең соңгы якшәмбесендә, 26 июльдә, узачак. Бәйрәмне Көньяк Сахалин каласының Гагарин исемендәге паркында сәгать 11 дә үткәрү ниятләнә. Быелгы чара — 10 нчысы. Сабан туе Бөек Җиңүнең 70 еллыгына багышлана, шуңа да милли бәйрәм ветераннарны хөрмәтләүдән башланачак.
Җирле татарларның милли-мәдәни автономияләре оештырган бәйрәмдә Сабан туеның традицион ярыш-бәйгеләрен уздыру күздә тотыла, шулай ук, Татарстан сәнгать осталары катнашында күңелле концерт программасы әзерләнә.
Сабан туеның күрке − көрәштә җиңүчегә бүләккә тәкә каралган. Уктан ату, милли ризыклардан авыз итү дә бәйрәм кунаклары күңеленә хуш килер дип көтелә, диелә “sakhalin.info” сайтында.
«sakhalin.info»