(13 февраль 2021) Бәйрәм чарасы район башлыгы Сергей Димитриев һәм Татарстанның Халыклар дуслыгы йорты директоры Ирек Шәрипов катнашында район мәдәният йортында узды.
Мәдәният йорты фойесында районның мәдәният һәм мәгариф учреждениеләре көче белән әзерләнгән күргәзмә оештырылган иде.
Бәйрәм кичәсе тамашачыларын Кукмара районы башлыгы Сергей Димитриев һәм Татарстанның Халыклар дуслыгы йорты директоры Ирек Шәрипов сәламләде.
Концерт программасында ТАССРның атказанган артисты, РСФСРның атказанган артисты, опера җырчысы, Галина Вишневскаяның опера әзерләү үзәге профессоры Алла Фадеичева, «Идел» бию ансамбле, «Инвожо» һәм «Саксон» удмурт фольклор ансамбльләре, «Кна вел» мари халык фольклор ансамбле, районның башка коллективлары һәм башкаручылары катнашты.
Дуслык йортының мәгълүмат үзәге