(24 июнь 2021) Татарстан Премьер-министры урынбасары Васил Шәйхразыев Кукмара районына эш визиты белән килде, анда туган телләрне саклау һәм үстерү мәсьәләләре буенча фикер алыштылар. Чарада Татарстан халыклары Ассамблеясе һәм Дуслык Йорты вәкилләре катнашты.
Кунак туган телләрне укыту, саклау буенча эшнең ничек алып барылуын өйрәнде. Аның белән бергә районга ТР Президенты Аппараты, ТР Мәгариф һәм фән министрлыгы, Иҗтимагый палата вәкилләре һәм башкалар да килде. Татарстан халыклары Ассамблеясеннән оешманың башкарма комитеты җитәкчесе Константин Яковлев һәм Яшьләр Ассамблеясе рәисе Тимур Кадыйров катнашты.
Делегация балалар бакчасы, мәктәп, музей, китапханәдә булды. Алга таба Кукмара мәдәният йортында Татарстан Премьер-министры урынбасары республикада туган телләр һәм Халык бердәмлеге елы мәсьәләләре буенча түгәрәк өстәл үткәрде.
Район башлыгы Сергей Димитриев, Кукмара районы — республиканың социаль-икътисади яктан алга киткән муниципалитетларының берсе, дип билгеләп үтте. Биредә 29 милләт вәкилләре дус һәм тату яши, аларның белем, тәрбия, тел, мәдәният, гореф-гадәтләрен саклау өчен барлык шартлар да тудырылган. Туган телләрне һәм гореф-гадәтләрне саклап калу һәм үстерү максатыннан дүрт тел һәм мәдәният үзәге булдыру турында карар кабул ителгән: татар, рус, удмурт һәм мари.
Васил Шәйхрәзиев ассызыклаганча, милли характерны формалаштыру гаиләдән башлана һәм тел һәм мәдәният аша тапшырыла.
«Әгәр гаилә үткәннәрне сакларга тырыша икән, ул тагын да күберәккә сәләтле. Туган телне, гореф-гадәтләрне, гастрономияләрне белү кешене бизи генә. Ул үсә, яхшыра бара. Шулай ук милли традицияләрне, туган телне саклап калуга ярдәм итә торган мәктәпкәчә, мәктәп белеменә дә игътибар итәргә кирәк. Әгәр белем бирү учреждениеләрендә телгә зур хөрмәт белән карыйлар һәм һәр педагогны кадерләп тоталар икән, < … > тел яшәячәк», — дип билгеләп үтте Татарстан Премьер-министры урынбасары.
Татар-информ материалы тәрҗемәсе