(5 октябрь 2019) Күпмилләтле якшәмбе мәктәбе укучылары БДБ дәүләт-катнашучылар арасында оештырылучы VII Халыкара мәктәп спорты фестивалендә катнашалар. Чара шушы көннәрдә Казан шәһәрендә уза.
Ярышлар сигез спорт төре буенча үтә. Якшәмбе мәктәбе вәкилләре шуларның дүртесендә катнаша: шахмат, өстәл теннисы, мини-футбол һәм бадминтон. Алар Әрмәнстан, Кыргызстан, һәм Таджикистан җыелма командалары составларына керделәр. Төрекмәнстан командасында да ТР төрекмәннәренең милли-мәдәни автономиясе активистлары балалары бар.
Дуслык йортының мәгълүмат үзәге