(25 октябрь 2019) Татарстанның Халыклар дуслыгы йортында Кырым Республикасының Министрлар Советы рәисе урынбасары, Кырым Республикасы Министрлар советы Аппараты җитәкчесе Лариса Опанасюкны кабул иттеләр. (ФОТО)
Оешманың эшчәнлеге белән кунакны Татарстанның Халыклар дуслыгы йорты директоры, Татарстан халыклары Ассамблеясе Советы рәисе урынбасары Ирек Шәрипов һәм аның урынбасары Наталья Мясникова таныштырды.
Экскурсия барышында Лариса Опанасюкка Ассамблея һәм Дуслык йорты эше һәм максаты, Яшьләр Ассамблеясе эшчәнлеге турында сөйләделәр, милли-мәдәни оешмалар офислары, Күпмилләтле якшәмбе мәктәбе, Дуслык музеен күрсәттеләр.
Дуслык йортының мәгълүмат үзәге