(31 июль, 2015 ел) Икенче урында – Америка спортчыларыРоссия спортчылары Александр Мальцев һәм Дарина Вәлитова Казанда уза торган Спортның су төрләре буенча Дөнья чемпионатында микст дуэтларның ирекле программасында алтын медаль яулады. Мальцев катнаш дуэтлар дисциплинасында Дөнья чемпионатының алтын бүләген алуга ирешкән Россиянең беренче спортчысы булды.
Россиянең катнаш дуэты чыгышы өчен судьялар 91,7333 балл куйды. Икенче урынга россиялеләрдән аз гына калышып, 91, 4667 балл белән америкалылар Билл Мэй һәм Кристина Лам-Андервуд (91,4667) чыкты. Искәртеп узабыз: техник программада алар россиялеләрне узып, алтын медаль алган иде. Өченче урынны 89,3333 балл белән Италиядән Джорджио Минисини һәм Марианджела Перрупато яулады.
Мәгълүмат http://www.tatar-inform.ru/ сайтыннан алынды.