(10 февраль) Мәскәүдә Винзавод сәнгать үзәгендә “Рәсәй. Танып белү” проекты кысаларында Мари һәм Чуаш халыкларының традицион сәнгатенә багышланган “Мари. Танып белү” һәм “Чуаш. Танып белү” күргәзмәләре ачыла.
Күргәзмәдә Мари Иленең танылган фото-рәссамнары Икур Куваджим һәм Альбина Шаймуратоваларның мари халкының гадәт-йолаларын чагылдырган эшләре, борынгы тормыш-көнкүреш кирәк-яраклары урын ала. Ә Федор Телков фотоларында Уралда яшәүче мариларның гореф-гадәтләре, яшәү рәвеше сүрәтләнә.
Чуаш фотографы Иван Михайлов борынгыдан килгән тәңреләргә табыну гадәтенең бүгенге шартларга ярашу процессын үзенең әсәрләренә төп тема итеп алган. Сергей Новиков фотопроектында Чуаш Республикасы башкаласы Чебоксар шәһәренең бүгенге күренешләре сүрәтләнгән. Күргәзмә 11 февральдән по 8 мартка кадәр эшләячәк.